Muzeyimizin eksperti, Əməkdar rəssam Məmmədhüseyn Hüseynovun yaradıcılığı haqqında növbəti paylaşım onun əsərlərində mühüm yer tutan miniatür üslubu haqqındadır.

Əziz dostlar,

Muzeyimizin eksperti, Əməkdar rəssam Məmmədhüseyn Hüseynovun yaradıcılığı haqqında növbəti paylaşım onun əsərlərində mühüm yer tutan miniatür üslubu haqqındadır. Milli ənənələrə hər zaman sadiq qalan rəssam yaradıcılığının erkən dönəmlərindən etibarən miniatür üslubuna müraciət etmişdir. O, qədim və zəngin kökləri olan bu sənətin sirlərinə dərindən yiyələnməklə həm müəllifi olduğu xalçalarda ondan ustalıqla bəhrələnmiş, həm də müstəqil qrafik lövhələr yaratmışdır. Miniatürə xas bədii-estetik xüsusiyyətlərdən özünəməxsus şəkildə istifadə etməsi sayəsində əsərləri incə plastikliyə malik dekorativ ornamentallıq əldə etmişdir.