“Rəngdən naxış dünyasına” adlanan ilk mühazirədə sənətkar özünün rəssamlıq fəaliyyəti barədə iştirakçılara məlumat verib

Muzeyimizdə Əməkdar rəssam Məmmədhüseyn Hüseynovun 55 illik yubileyi çərçivəsində onun həyat və çoxşaxəli yaradıcılığına həsr olunmuş silsilə mühazirələrin keçirilməsinə başlanılıb. “Rəngdən naxış dünyasına” adlanan ilk mühazirədə sənətkar özünün rəssamlıq fəaliyyəti barədə iştirakçılara məlumat verib. Muzeyimizin eksperti M.Hüseynov müəllifi olduğu rəngkarlıq əsərləri, qrafik rəsmləri, yaradıcılığının erkən dönəmlərindən etibarən müraciət etdiyi miniatür üslubu və s. barədə çıxış edib. Mühazirədə muzeyimizin eksperti, Xalq rəssamı Aydın Rəcəbov, həmçinin rəssam Fikrət İbrahimli Məmmədhüseyn Hüseynovun çoxşaxəli yaradıcılığından danışıb.