Qobelen “Kosmik kaleydoskop”
Əziz dostlar,
Kosmos mövzusuna həsr olunmuş həftəmizi davam edirik. Bu gün muzeyimizin növbəti eksponatı “Kosmik kaleydoskop” qobelenini təqdim edirik.
Tanınmış qobelen üzrə rəssam Salar Məmmədov öz yaradıcılığında bu mövzuya müraciət etmişdir. Kompozisiya güzgü simmetriyası əsasında verilmişdir. Rəssam qobelendə mücərrəd formada ulduzlar və planetlərdən ibarət rəngarəng kosmik kaleydoskopu göz önündə canlandırmağa böyük ustalıqla nail olmuşdur.
Qobelen “Kosmik kaleydoskop”. Müəllif: Salar Məmmədov. Azərbaycan. 1985. Yun. Xovlu, əl işi. Azərbaycan Milli Xalça Muzeyinin kolleksiyası
