YUNESKO-nun Almatı klaster bürosunun təşəbbüsü ilə Orta Asiya və Cənubi Qafqazda muzey işçilərinin potensialının artırılması, onların peşə fəaliyyətləri üzrə bilik və bacarıqlarının inkişaf etdirilməsi məqsədilə vebinar keçirilib.
YUNESKO-nun Almatı klaster bürosunun təşəbbüsü ilə Orta Asiya və Cənubi Qafqazda muzey işçilərinin potensialının artırılması, onların peşə fəaliyyətləri üzrə bilik və bacarıqlarının inkişaf etdirilməsi məqsədilə vebinar keçirilib. “Muzey kolleksiyaları və dəyərli əşyaların təcili xilas olunması və təxliyəsi” mövzusunda keçirilən onlayn seminarda Azərbaycan Milli Xalça Muzeyinin direktoru, ICOM Azərbaycan Milli Komitəsinin sədri Şirin Məlikova əsas məruzəçi kimi çıxış edib. Təqdirəlayiq haldır ki, müasir muzeylərin qarşısında duran bu cür aktual məsələ ilə bağlı məhz Azərbaycan Milli Xalça Muzeyi öz qabaqcıl təcrübəsini bölüşüb.
Qeyd edək ki, onlayn seminara Mərkəzi Asiya və Cənubi Qafqazda fəaliyyət göstərən muzeylərin əməkdaşları, səlahiyyətli dövlət qurumlarının, tədqiqat təşkilatlarının, QHT-lərin və vətəndaş cəmiyyətinin nümayəndələri qatılıblar. Sonda Şirin Məlikova iştirakçıların suallarını cavablandırıb.
