Azərbaycan Xalça Muzeyi və Yeni Azərbaycan Partiyasının Səbail rayon şöbəsinin birgə təşkilatçılığı ilə ümummilli lider Heydər Əliyevin anadan olmasının 96-cı ildönümünə həsr olunmuş tədbir keçiriləcək. Tədbirdə Heydər Əliyevin milli-mənəvi dəyərlərin qorunması, Azərbaycan mədəniyyətinin inkişafı sahəsində həyata keçirdiyi irimiqyaslı işlər haqqında məlumat veriləcək. Tədbirin bədii hissəsində ulu öndərin sevdiyi mahnı və musiqi parçaları ifa olunacaq. Qonaqlar həmçinin Azərbaycan xalq rəssamı Kamil Əliyevin Heydər Əliyevə həsr etdiyi portret xalça ilə tanış olacaqlar.​

Tədbir Azərbaycan Xalça Muzeyində 1 may 2019-cu il saat 12:00-da keçiriləcək. Giriş sərbəstdir